KUNJALO-KE – ME Wanda

By -

 ISINGENISO 

Umyalezo yilokho umbhali asixwayisa noma aseluleka ngakho enovelini/yisifundo esitholakala uma sifunda inoveli. Umyalezo uchaza ukuthi umbhali ubehlose ukusazisani ngokubhala le ndaba. Umyalezo wale noveli uthi: Ukungabi nesimilo esihle kungaba nemiphumela engemihle empilweni yethu neyabanye abantu.

UMZIMBA 

UDumazile 

Ukungabi nesimilo esihle kukaDumazile esemncane noma eseganile kwadala le miphumela engemihle elandelayo: 

• Ukuqoma uthisha uMoloi ebe eyingane yesikole okwaba nomphumela wokukhulelwa ingane kaMoloi nokuxabana noMisi Hlophe bebanga uMoloi 

• Ukuxoshwa kukaDumazile esikoleni kunomphumela omubi ngoba kugcina kuxabanise abazali bakhe. 

• Ukuqoma uSithole ngemuva kokuxoshwa nguMaNzimande emzini kaSithole kwagcina kunomphumela wokukhulelwa ingane kaSithole. 

• Ukuhlela isu lokushisa isitolo sikaSithole kwaba nomphumela wokuthi uSithole agcine esehlupheka ngoba umshwalense wala ukusikhokhela. 

• Ukuba nobudlelwano bezocansi noMthovovo, nokubuyelana noMoloi noSithole kwaba nomphumela wokuxabana nomyeni wakhe uMtalaselwa waze wamshaya, izingane zakhe zasala zodwa uLerato waphuma nasesikoleni. 

• Ukubuyelana kukaDumazile noyise bezingane zakhe kwaba nomphumela wokugcina etheleleke ngegciwane lesandulelangculazi alidlulisela kumyeni wakhe uMtalaselwa. Kwatheleleka noMaNzimande bagcina bebulewe isifo sengculazi bonke.

UMoloi 

Ukungaziphathi kahle kukaMoloi ebe enguthisha futhi eganiwe kwadala le miphumela engemihle elandelayo: 

• Ukushela uDumazile eyingane yesikole ebe eganiwe futhi enomntwana noMisi Hlophe ofundisa kuso lesi sikole kwaba nomphumela wokuba agcine exoshiwe uMoloi emsebenzini wamiswa iminyaka emihlanu engaqashwa nguHulumeni. 

• Ukubuyelana noDumazile kanti uDumazile usegane uZuma kwaba nomphumela wokulwa noSithole ngoba beficane emzini kaSithole bebanga uDumazile.

USithole 

Ukungaziphathi kahle kukaSithole ebe eganiwe kwadala le miphumela engemihle elandelayo: 

• Ukwehluleka ukuqonywa uDumazile ngemuva kokumeshela kwaba nomphumela wokulanda inyanga ukuze amfake intando kwagcina kumxabanise nomkakhe uMaNzimande. 

• Ukuthengela uDumazile umuzi kwaba nomphumela wokuthi uDumazile agcine esefaka uMoloi uyise kaLerato kuwo. USithole wazithola eselwa noMoloi ngenxa yalesi senzo sikaDumazile. Wahlala noMtalaselwa kuwo owayengumyeni wakhe, uMtalaselwa wagcina eseshaye uDumazile ngenxa yokufaka uSithole emzini wakhe. 

• Ukuthengela uDumazile imoto ashayisa ngayo uDumazile engenazo izincwadi zokushayela futhi ingenawo umshwalense kwaba nomphumela wokuthi uSithole angene ezikweletini agcine ngokuboshwa.

UMaNzimande 

• Ukukholelwa kukaMaNzimande amahebezi ayelethwe nguLizzy mayelana nokuthandana kukaSithole noDumazile. Lokho kugcine uMaNzimande ehilizisana noSithole ethi makuxoshwe uDumazile emzini wabo. 

• Kwabuye kwaholela ukuba uSithole aqhubeke nokuthandana noDumazile aze ayomakhela umuzi eMlazi.

ISIPHETHO

Umbhali uphumelele ukudlulisa umyalezo nemiphumela yokuba nesimilo esingesihle kule noveli esebenzisa amaphuzu angenhla. Nathi sifundile ukuthi ukungabi nesimilo esihle kungaba nemiphumela engemihle empilweni yethu neyabanye abantu.

Comments

Post a Comment

Popular posts from this blog

IMPI YABOMDABU ISETHUNJINI – JC Buthelezi

By -
 ISINGENISO  Umyalezo yilokho umbhali asixwayisa noma aseluleka ngakho enovelini/yisifundo esitholakala uma sifunda inoveli. Umyalezo uchaza ukuthi umbhali ubehlose ukusazisani ngokubhala le ndaba. Umyalezo wale noveli uthi: Ukungawazisi umndeni wakho kuba nemiphumela engemihle empilweni yakho. UMZIMBA  UBafana  Ukuba yisifundiswa kukaBafana kwenza ukuba uBafana awubukele phansi/angawazisi umndeni wakhe. La maphuzu alandelayo akhombisa izinto ezenziwa uBafana ukungawunakekeli umndeni wakhe:  • UBafana uxosha umalume wakhe kabuhlungu uma ezocelela izingane zikaLinono indawo yokuhlala.  • Ukungazwani kukaBafana noPoppie kwenza u-Euthenasia eqe ekhaya.  • UBafana akanasikhathi sezingane zakhe.  • UBafana uba nomona ngokuzithuthukisa kukaPoppie ngokufunda umtshela nokuthi akayeke ukufunda.  • Ukuhluleka kukaBafana ukubhekana nezinkinga zasemzini wakhe kwamenza walifulathela ikhaya. Umphumela wokungawazisi umndeni empilweni kaBafana: • Udlala izin...
Read more

Do we have free-will?

By -
 Are you free?  we often think we are free but are we really free? this question sounds so simple yet it is actually not. What does it even mean to be free? Well in this post I will explain to the best of my knowledge what is free will and whether we have it or not. can you escape fate? Let's consider the story below: When Thabiso was born a prophet foretold that he would grow up to kill his father and then marry his mother. His father fearing for his life decided to leave the baby in the wilderness with the hope that he will die, thefore the prophecy will not come  true. The baby was found by another couple, and grew up knowing them as his parents. The boy heard of the prophecy, not knowing his adopted and because he loves his father(adopted) he decided to go away from his family to avoid the prophecy. In the way he met and killed a man and then felt bad for the wife of this man, he decided to marry her. The man he met is in fact his fat...
Read more

BENGITHI LIZOKUNA – NG Sibiya

By -
 BENGITHI LIZOKUNA – NG Sibiya Umbuzo: Xoxa ngempumelelo yombhali ekudluliseni umyalezo othi: 'Izinqumo esizithathayo ngempilo yethu zingaba nemiphumela engemihle empilweni yethu neyabanye abantu' ubhekise kulaba balingiswa: uMhlengi/Mahlengi, uNontobeko, uXolani, noNgidi kule noveli ethi, Bengithi Lizokuna. ISINGENISO Umyalezo yilokho umbhali asixwayisa noma aseluleka ngakho enovelini/yisifundo esitholakala uma sifunda inoveli. Umyalezo uchaza ukuthi umbhali ubehlose ukusazisani ngokubhala le ndaba. Umyalezo wale noveli umayelana nokuthi izinqumo esizithathayo ngempilo yethu zingaba nemiphumela engemihle kwabanye abantu nakithina uqobo. Ohlolwayo angasebenzisa la maphuzu alandelayo namanye amayelana nomyalezo kule noveli.
Read more